About This Course

課程介紹

今堂精選兩款有特色嘅朱古力：一款係市面上非常少見嘅松子仁朱古力，另一款就係人見人愛嘅開心果杏仁 Gianduja 朱古力。

松子仁朱古力，課堂會由自製松子仁醬開始，將松子仁獨特嘅堅果香氣融入朱古力餡，做出細滑香濃嘅口感。而開心果杏仁 Gianduja 朱古力，結合開心果、杏仁同朱古力嘅香濃味道，配上香脆果仁碎，口感豐富。

呢堂唔單止學兩款口味，仲可以一次過掌握倒模同非倒模朱古力嘅製作技巧，包括朱古力調溫、製作內餡、倒模、封底同外層處理。最重要係，Fai Sir 會教授唔需要溫度計、亦唔需要任何朱古力設備嘅朱古力調溫方法，讓大家用一般家庭用具，一樣可以掌握當中嘅技巧。

兩款朱古力都由同學親手實習，一人一份材料，唔需要分組。學識咗當中嘅原理同技巧，以後就可以喺屋企自行製作，甚至變化出更多自己鍾意嘅朱古力口味。