About This Course
雞尾包、吞拿魚包、奶油椰絲包,三款都係陪住唔少香港人成長嘅經典麵包。想食返記憶中嘅味道,又想做得更合自己口味?學識自己做,就可以兩樣兼得!
今堂會由手搓麵糰開始,實習三款正常尺寸港式麵包 (唔係迷你版)。由分包、拍包到包餡,每位同學都會親手完成,學識之後,喺屋企都可以隨時重做。
除咗麵包本身,今堂仲有兩個值得學嘅重點:自製蛋黃醬同牛油忌廉。自己調製嘅蛋黃醬可以配合吞拿魚餡,而自製牛油忌廉亦可以按自己喜好調整味道。麵包好唔好食,除咗包身,餡料同配料一樣重要!
・三款港式經典麵包(實習)
・手搓麵糰,掌握麵糰搓揉及筋性判斷
・學習分包、拍包及包餡技巧
・掌握家庭式麵包發酵、烘焗及點分辦熟未
自製餡料及配料(示範)
・自製蛋黃醬,了解製作原理及做法
・自製牛油忌廉,掌握質地及甜度調整方法
・港式雞尾包 10個
・吞拿魚包 4個
・奶油椰絲包 4個
合共約 18 件製成品,請自備足夠食物盒。
港式雞尾包, 吞拿魚包, 奶油椰絲包, 手搓包, 分包, 拍包, 包餡
自製蛋黃醬,牛油忌廉
林志輝