About This Course

課程介紹

鳥結糖一定要加奶粉先做到？其實唔一定。

今次嘅士多啤梨鳥結糖採用西式做法，完全唔加奶粉，冇一般奶粉鳥結糖嘅奶酥味，淡淡嘅粉紅色來自士多啤梨本身，無需額外添加色素，仲帶有自然果香同微酸，甜度亦唔會過分突出。配合香脆果仁，味道同口感都相當有層次。

做糖果最令人擔心嘅，通常係煮糖溫度同時間掌握。今次課程唔需要溫度計，每位同學都會獨立煮糖，Fai Sir 會逐一指導，教你點樣觀察糖漿狀態、掌握煮糖技巧，唔使靠溫度計都做到。

課堂採用一人一份材料，唔係分組製作，由煮糖、混合材料到切件包裝，都由自己親手完成。學識之後，返屋企用家庭式器具一樣可以再做，無論自己享用定送禮都適合。